اودون گتیــــر قـــوی قالا

Odun Gətir Qoy Qala

دولدور قلیـــان قوی قالا

Doldur Qəlyan Qoy Qala

سؤزون توتمایان یئرده

Sözün Tutmayan yerdə

اؤزونـــــــــــده قوی قالا

 Özündə Qoy Qala

+++

عزیزیم داغـــــــــدا لالا

Əziziyəm Dağda Lala

بنزر گـــــول اوزده خالا

Bənzər Gül Üzdə Xala

عاشقدا همت اولسـا

Aşıxda Himmət Olsa

چوخ تــــــئز یئتر وصالا

Çox Tez Yetər Visala

+++ 

داغلارا اکــــــــدیم لالا

Dağlara Əkdim Lala

اله آلـــــــــــــدیم پیالا

Ələ Aldım Piyala

هئچ گؤرونـــوب دنیادا

Heç Görünüb Dünyada

ظلم ائــــوی آباد قالا؟

Zülm Evi Abad Qala

+++

من عاشق آی جــمالا

Mən Aşix Ay Cəmala

یار الدن آی جـــــام آلا

Yar Əldən Ay Cam Ala

گؤتـور اوزدن ئورتویون

Götür Üzdən Örtüyün

باخیم بیر آی جـــمالا

 Baxım Bir Ay Cəmala

+++

آل کــــــــمری بئل باغلا

Al Kəməri Bel Bağla

ساچلارینی تــئل باغلا

Saçlarıni Tel Bağla

نه یادا ســــــــرّینی وئر

Nə Yada Sırrıni Ver

نه نامرده بئــــــل باغلا      

Nə Namərdə Bel bağla

+++

عزیزیم باهــــــــار اولا

Aziziyəm bahar ola

گول آچـــــا باهار اولا

Gül Aça Bahar Ola

چمنده ســـو یانیندا

Çəməndə Su Yanında

قدح اولا یــــــــار اولا

Qədəh Ola Yar Ola