دونن آخشام چاغی سنسیز منی آغلاتدی یاغیش

سپدی اؤز دامجیلارین گؤز یاشیما قاتدی یاغیش

عسدی و لاخلادی اندامی بو شهرین نه یامان

گول لرین ایدی بئلین تئللرین ایسلاتدی یاغیش

ائله بیل قلبی توتولموشدی گؤیون دؤزمدی چوخ

بیر آغیر یوک بو داوامسیز بئلیمه چاتدی یاغیش

بیر اوشاخ تک منی آسلاندی نوازش ائله دی

آلدی اؤز کؤلگه سینه ال چالیب اویناتدی یاغیش

صبحه جک شهری دولاندیم گؤزوم آختاردی سنی

منی جانسیز سئل آپارمیش لارا اوخشاتدی یاغیش

دوشدوم آواره بو چؤلدن او چؤله گؤرمه ییوه